La 19-an de februaro 2019 pasis 100 jaroj depost kiam Bjalistoko ektroviĝis en liberigita Pollando. Tiun tagon la urbaj aŭtoritatoj okazigis aron da eventoj, inter kiuj estis vespera festo en Podlaĥia Operejo. Dum ĝi oni prezentis 100 plej gravajn aktivulojn de nia urbo el la jaroj 1919–2019. El la cento estis elektitaj dek homoj, kiujn speciala ĵurio trovis la plej influaj kontribuantoj je disvolvado de la urbo. La unua premiito estis esperantisto Jakobo Ŝapiro (1897–1941), sekretario de Bjalistoko, verkisto, ĵurnalisto, aŭtoro de la unua gvidlibro tra Bjalistoko, fervora prezidanto de Zamenhofa Esperanto-Societo mortpafita de nazioj, jam memorigita per tabulo sur sia loĝdomo en la centro de Bjalistoko kaj ekde 2007– per strato. La premion de la urbestro de Bjalistoko Tadeusz Truskolaski nome de Bjalistoka Esperanto-Societo akceptis ĝia prezidanto Przemysław Wierzbowski.

La aliaj 9 premiitoj estas:

Seweryn Nowakowski (1894–post 1939), urbestro de Bjalistoko
Mikołaj Kawelin (1864–1944), bjalistoka sporta kaj socia aktivulo
Mordechaj Tenenbaum (1816–1943), komandanto de la ribelo en bjalistoka geto
Stanisław Bukowski (1904–1979), arkitekto, rekonstruanto de Bjalistoko post la dua mondmilito
Irena Białówna (1900–1981), kuracistino, organizantino de postmilita pediatrio en Bjalistoko
Edward Kisiel (1918–1993), bjalistoka episkopo
Ryszard Kaczorowski (1919–2010), la lasta prezidanto de Pollando en ekzilo
Jerzy Maksymiuk – (1936–), dirigento kaj komponisto
Tomasz Frankowski (1974–), bjalistoka futbalisto