Post 9 monatoj finiĝis la Eŭropa Volontula Servo de Marc Konijnenberg en Bjalistoka Esperanto-Societo. Ni renkontiĝis en la klubejo por komuna, kluba adiaŭo de nia tre aktiva volontulo. En bona etoso ni adiaŭis nian karan volontulon. Ni preparis kaj kune kantis amuzan kanton “Marko adiaŭ”. Ni esperas, ke li ne forgesos Bjalistokon kaj iam revenos al ĝi.
Dume ni serĉas novan volontulon, kiu povos komenci sian Eŭropan Volontulan Servon en Bjalistoko en oktobro 2018 kaj resti kun ni dum 9 monatoj. la detalojn legu ĉi tie.
“Marko adiaŭ”
Amiko nia adiaŭ
restu en bona san’
sed nin forgesu neniam
kara samidean’
(Refreno)
Ho amikeco nia
por ĉiam daŭru ĝi
disiĝas ni hodiaŭ
en bela harmoni’
Ĝis nun pasigitaj tagoj
kaj ĉiu bona hor’
revenos ĉi travivaĵoj en nia rememor’
Refreno…
Do kantu ni ĝis revido
ĝis la revido nun
ĉar certe ni renkontiĝos
inter ni ĉiam sun’
Refreno…