Bjalistoka Esperanto-Societo, Bjalistoka Kulturcentro/Centro Ludoviko Zamenhof kaj Esperanto-Libraro/Podlaĥia Libraro Łukasz Górnicki invitas al prezento de dulingva dramo „Baladino” de Juliusz Słowacki: en la pola originalo kaj la unua Esperanto-traduko de Lidia Ligęza.
La ĉeesta renkontiĝo okazos kadre de la Nacia Legado la 5-an de septembro 2020 je 15h00 en Centro Ludoviko Zamenhof, str. Warszawska 19, Bjalistoko. En la renkontiĝo ni parolos kun la tradukintino pri ŝia laboro je la verko kaj prezentos fragmentojn de la libro. La partoprenantoj ricevos senpagan ekzempleron de la libro kun speciala stampo. La renkontiĝon akompanos kvizo pri la libro kaj legado de fragmentoj de la dramo.
Pro la epidemio validas la reguloj de sekureco, pro kiuj oni devas surhavi maskon.
*** ĈIUJN, kiuj ŝatus ricevi la libron, ni petas kontakti nian asocion per kontakt@espero.bialystok.pl — ni legu kune la tekston; ni registru la legadon kaj publikigu por diskonigi la projekton ***
La eldono estas kunfinancita el la buĝeto de la Urbo Bjalistoko
Eksteraj ligiloj:
- La evento ĉe la retpaĝo de la Prezidanto de Pollando
- La evento ĉe Facebook
- La evento ĉe Eventa Servo
- Artikolo en La Ondo de Esperanto
- Artikolo pri Baladina en Esperanta Vikipedio
