21-aj Bjalistokaj Zamenhof-Tagoj

Oni ĉiam pli kaj pli demandas nin, ĉu Bjalistokaj Zamenhof-Tagoj okazos ĉi-jare. La respondo estas: kompreneble JES! Pro la epidemio ni renkontiĝos en la tagoj 11–13 de decembro 2020 per Zoom. Vendredo kaj sabato estos tagoj plenigitaj de prelegoj, prezentoj kaj muziko, kaj dimanĉo, tradicie, estos la tago de ekskurso en nia regiono, ĉi-foje virtuala, kaj trejnado de Erasmus+.

Se VI ŝatus prezenti ion en la unika naskiĝtaga festo de Ludoviko, ne hezitu kontakti nin!