Kun plej profunda ĉagreno kaj profunda ŝoko, ni — la bjalistokaj
esperantistoj — informas, ke antaŭhieraŭ por ĉiam forpasis nia kara
amiko, senlaca esperantisto kaj prezidanto de Bjalistoka
Esperanto-Societo, Przemek Wierzbowski.
Ni estas tiel forte frapitaj de tiu ĉi subita perdo, ke niaj koroj
restas mutaj. En tiu ĉi momento mankas al ni vortoj, kaj ni ankoraŭ ne
kapablas kredi la okazintaĵon. Foriris homo, kiu gvidis nin kun granda
pasio kaj dediĉo.
Ni funebras en silento, gardante lian luman memoron en niaj koroj.
Sincerajn kondolencojn al la familio kaj al ĉiuj, kiuj lin amis.