La gasto de la klaso 4C de la bazlernejo n-ro 2 en Łapy estis Elisa Kedji, nia volontulino el Strasburgo. La bonvenigo okazis jam sur la fervoja kajo: en la franca, la angla kaj Esperanto. Kaj poste…Glaciaĵoj, promeno, nova parko apud la urba stadiono. La demandoj de la lernantoj estis surprizaj: Kion Elisa ŝatas matenmanĝi? Kiel nomiĝas ŝia frato? Ĉu ŝi ŝatas Łapy? Kiom da lingvoj ŝi parolas?, sed aŭskultante la respondojn ĉiuj povis kompreni kiom similaj ni estas kaj kiom ofte ni ŝatas la samajn aferojn. La plej ŝatata futbalisto? Kylian Mbappé. La plej ŝatata muziko?
Repo. Elisa amas sportojn, precipe rugbeon, kaj ludis kiel defendantino en la lerneja teamo dum kvar jaroj. Ŭaŭ! Bazaj frazoj en Esperanto kaj la franca? KOMPRENEBLE! BIEN SÛR!
Jolanta Chrustowicz
Mia vojago al Łapy estis tre bona. Kiam mi alvenis al la stacidomo Jolanta kun siaj lernantoj bonvenigis min kun afiŝoj kie estis skribite «Elisa bienvenue chez nous» kaj «bonvenon Elisa», kaj Esperanto-flagoj. Poste ni haltis ĉe la ĉefa placo de la urbo kaj ni manĝis glaciaĵon. Ni iris antaŭ la bibliotekon, mi prezentis min kiel volontulino, klarigis kion mi faras en Bjalistoko ĉe la Esperanto-Asocio tie. La infanoj demandis al mi pri tio, kion mi ŝatas fari en la vivo, kiom da lingvoj mi parolas. Poste ni haltis en parko por pikniko kaj ni faris multajn fotojn. Mi instruis al la infanoj kelkajn vortojn en la franca kiel «bonjour», «comment ça va?», « je vais bien», «au revoir». Ni akompanis la infanojn al la lernejo por ke ili manĝu en la kantino kaj revenu al la lecionoj. Poste Jolanta kaj mi manĝis en picejo, ni marŝis tra la urbo, ŝi prezentis al mi sian malnovan lernejon kie ŝi studis. Fine ŝi kun sia edzo irigis min hejmen!— Elisa Kedji
